ന്യൂഡൽഹി: പഞ്ചാബ് മുഖ്യമന്ത്രി ഭഗവന്ത് സിംഗ് മന്നിനെതിരെ ഗുരുതര ആരോപണവുമായി സ്വാതി മലിവാൾ എംപി. ഭഗവന്ത് സിംഗ് മൻ നിയമസഭയിൽ മദ്യപിച്ചാണ് എത്തുന്നതെന്ന് അവർ ആരോപിച്ചു.
സഭയിൽ ഭഗവന്ത് സിംഗ് മൻ സംസാരിക്കുന്ന വീഡിയോ സഹിതം പങ്കുവെച്ചാണ് സ്വാതി മലിവാൾ ആരോപണം ഉന്നയിച്ചത്. മുഖ്യമന്ത്രി മെഡിക്കൽ പരിശോധനയ്ക്ക് തയാറാകണമെന്നും തെളിഞ്ഞാൽ മുഖ്യമന്ത്രി സ്ഥാനം രാജിവയ്ക്കണമെന്നും സ്വാതി മലിവാൾ ആവശ്യപ്പെട്ടു.
എഎപിയുടെ രാജ്യസഭാ എംപിയായിരുന്ന സ്വാതി മലിവാൾ അടുത്തിടെ ബിജെപിയിൽ ചേർന്നിരുന്നു. ഇതിന് പിന്നാലെയാണ് എഎപി മുഖ്യമന്ത്രിക്കെതിരെ ആരോപണം ഉന്നയിച്ചത്. ഈ മനുഷ്യൻ മദ്യപിച്ചാണ് ഗുരുദ്വാരകളിലും ക്ഷേത്രങ്ങളിലും പോകുന്നത്.
മദ്യപിച്ചാണ് സർക്കാർ യോഗങ്ങളിൽ പങ്കെടുക്കുന്നത്. ലഹരിയിൽ ആയിരിക്കുമ്പോൾ ഫയലുകൾ ഒപ്പിടുന്നു. എന്തൊരു നാണക്കേടാണിത്. ഉറക്കത്തിൽ മാത്രം മദ്യം ഒഴിവാക്കുന്ന ഒരാൾക്ക് എങ്ങനെ പഞ്ചാബ് ഭരിക്കാനാകുമെന്നും സ്വാതി മലിവാൾ ചോദിച്ചു.